poeti napoletani.

Tina Piccolo:

Poeta a Pomigliano.
E'nata a Pomigliano d'Arco (NA) ove vive. E' insegnante, sindacalista, formatrice IRRSAE, poetessa e fine dicitrice. Si interessano della sua attività importanti quotidiani, quali "Roma", "Il Giornale di Napoli", "Il Mattino", "La Repubblica", "Cronache dei Mezzogiorno", "Il Tempo", "Il Messaggero", "Ottopagine", ecc. Vincitrice di oltre 700 premi in agoni letterari nazionali ed internazionali, ha rappresentato l'Italia al Congresso Mondiale di poesia in Messico nel 1993. Ha fondato, con orgoglio ed amore, il Premio Internazionale "Città di Pomigliano d'Arco" per la poesia, la narrativa, la grafica e la foto d'arte, che premia anche personaggi dello spettacolo, del giornalismo, della televisione e della scienza. Ha pubblicato i volumi: "Trasparenza" - "Dio creò... e nacque" - "Verso il duemila" " 'E vvie d' 'o core" ed ha curato "La più bella antologia dei nostro tempo" per fini didattici. E' inserita in prestigiose antologie (anche estere), in dizionari e almanacchi culturali ed ha prefatto le opere di moltissimi artisti. Collabora con numerose riviste come "il Meridiano", "Penna d'autore", "Cronache italiane", "Ribal-ta", "il Corriere di Roma", "La Strada", "Miscellanea", "il Ponte italo-americano", "Il Maestrale dei Sud","Tablò", "Bacherontius", "L'idea", ecc. Hanno parlato di lei illustri critici. Accademica d'onore dei "500", della Neapolis, dell'ASLA, di "Dafni" e dell'"Alfonso Grassi", è stata ospite di numerose trasmissioni radiofoniche e televisive. Sue liriche sono state declamate alla RAI. L'antica ditta V.Carcavallo ha pubblicato serie di cartoline con scene di Napoli e i versi di Tina Piccolo.
Ha scelto per voi navigatori queste tre composizioni:





MASCHERE
Ma tu l'hé vista mai na faccia annuda?
'A faccia 'e n'ommo ca nun s'appaura,
cu ll'uocchie ca sò specchio d' 'o penzíero
e 'a vocca na surgente 'e verità?

E mo' t'o spieco, bello, chiaro e tunno:
so' maschere ca girano p' 'o munno
e, allere o triste, senza falsítà,
songo 'o ritratto 'e chesta società.

Ma 'sta maschera cade
quanno se prega a Dio cu tutt' 'o core,
Quanno se fa l'ammore
cu sentimento e cu sincerità
e quanno 'a vita more... e se ne va.




--------------------------------------------------------------------------------

SAN GENNA'

T'arricuorde 'e scugnezzielle
ca pazziaveno int' 'o vico
cu 'e furmelle e 'e rítrattíelle?
Mo se fumano 'o speniello
e se 'mpareno a scippà!
T'arricuorde a Piererotta
'e ccanzone appassionate,
chellí belli tammurriate
ncopp' 'e carre apparicchiate?
T'arricuorde, San Genna',
'a mappata, 'e serenate
sott' 'o cielo chino 'e stelle
'a chitarra che tremmava
quanno 'a bella s'affacciava?
Mo', te truove azzicco azzicco
cu na coppia 'e nnammurate
ca nun tene chíù sigrete
p' 'o spettacolo ca fà!
T'arricuorde 'a spaghettata
cu cumpare e cumparielle:
quatto vongole verace
e resate in quantità?
'A sfilata 'e carruzzelle
ca purtava 'o furastiere
a 'ncantarse p' 'a città?
Mo sti ffacce accussì appese
songo quatre sculurite
mise all'asta 'e civiltà,
ma 'o progresso è cosa bbona
quanno tene 'o core mmano.
L'allería, 'a fantasia,
Po calore d' 'a poesia,
sti rricchezze songo 'e Napule,
nun se ponno maie lassà.
San Genna' falla scetà
chella Napule sincera
'a nu suonno accussì amaro,
e fà scorrere 'int' 'e vvene,
'e sta gente scoraggiata,
chillu bene senza fine.
Chesta è grazia ca ci ha fà...




--------------------------------------------------------------------------------

TU NUN SÌ VICCHIARIELLO

Nun so ghianch"e capille, ammore mio,
è solamente 'o ppucurillo 'e neve
ca vierno t'ha lassato pè rialo
ncopp' a sti cíerre belle e delicate.

Nun so' rappe ca tiene 'ncopp' 'a pelle,
songo 'e segne d' 'e vase a pizzechille,
sò ciance ca te fanno cchiù carnale.
E si 'a carezza nun è sciuliarella,
dura cchiù a luongo e simmo affurtunate.

Nun s' 'è allentato 'o passo p' 'a vicchiaia,
tu vaie cchiù lento pecché, è risaputo,
si addeventato ancora cchiù aggarbato,
e te faie chiano chiano 'a cammenata.

E si me tiene stesa a te vicina
e nun s'attizza 'o ffuoco dint' 'e vvene,
nun è l'età, ma è n'ata 'a spiecazione:
tenimmo cchiù rispetto e devozione,
e stu bene l'assapurammo buono,
murzillo pe' murzillo, chiano chiano.

Si 'a gente po' 'ncuntrannete p' 'a via,
te dice: « 'o no', ve site fatto viecchio! »
Nun è penzà, ca è sulo na buscia...
parlano pè mmiria e gelusia


Luciano Somma:

Poeta a Napoli.
Luciano Somma e' nato il 18 marzo 1940 a Napoli dove vive e lavora svolgendo l'attività di rappresentante. Ha iniziato a scrivere versi, in italiano ed in napoletano, all'età di 13 anni. Già direttore responsabile di Tribuna artistica negli anni '60, ha collaborato e collabora con molte testate giornalistiche. E' inserito in centinaia di antologie, anche scolastiche, e ha ottenuto nel 1977 e nel 1994 la medaglia d'argento del Presidente della Repubblica. E' paroliere iscritto alla SIAE dal 1967 e ha al suo attivo oltre cinquecento canzoni edite o incise. Tra gli interpreti: Gloriana, Mario Abate, Tony Bruni, Mauro Levrini, Fenoli del Clan Casadei, Rino Piccione. Centinaia i premi ottenuti, dove figurano numerosissimi primi premi assoluti. Tra le sue affermazioni più recenti:
1° classificato al premio "Antonio Balsamo", Castel lammare di Stabia,1993;
1° classificato al "Poseidonia", Capaccio Scalo, 1994;
1° classificato al "Città di Avellino", 1994;
2° classificato al "Maresca", Pistoia, 1994;
2° classificato al "Paestum"; Mercato San Severino, 1994;
1° classificato al "Città di Cava de' Tirreni", 1995;
1° classificato alla "Taverna dei poeti", Modena, 1995;
3° classificato al "Trofeo colle armonioso", Firenze, 1995;
1° dei segnalati e menzione d'onore al "Città di Caserta", 1995.

Il 25 giugno 1997 Luciano Somma pubblica "Momenti di versi" con prefazione di Olivia Trioschi. Il libro è stato stampato con il contributo de Il Club degli autori in quanto l'opera si è classificata terza assoluta nel concorso Jacques Prèvert 1996.

Ha scelto per voi navigatori queste tre composizioni:








E' GIA' SERA
'Int''o mare d''o munno ferito
quanta stelle cadute,
e l'onne 'mpazzute
se portano a rriva
l'arraggia d''o viento,
pe' copp''a scugliera
se cerca na luce
ca desse nu filo 'e speranza
ma s'e' fatto tarde e' gia' sera...
E' sera pe' ll'aria malata,
addo' pure 'o respiro
s'ammesca cu 'e nnote cchiu' amare
'e na musica antica
che porta 'o mutivo viulento
d''a sete 'e putere.
Nu scunciglio 'e gabbiano
attuorno
turtura na povera vela
ca tremma e se perde
cadenno pe' copp''a scugliera,
nisciuno cchiu' 'a salva
pecch'e' troppo tarde,e' gia' sera...
E' sera pe' chi va truvanno
nu pizzo stramano
supplicanno na vita serena
ma cchiu' nun trova na mano...
E' sera pe' chi 'e ll'onesta'
ha purtato 'a bannera
frasturnato 'a stu globbo ca gira
'o cuntrario d'ajere,
e more n'altare 'e speranza
mentre n'organo sona
'o trionfo d''o mmale,
cchiu' forte,ogne ghiuorno,cchiu' forte
marturianno 'a tastiera.
'int''o mare d''o munno ferito
s'e' fatto tarde,e' gia' sera...





--------------------------------------------------------------------------------

'A LAVAGNA D''A SCOLA

'Ncopp''o banco:l'inchiostro,'o pennino,
nu quaderno a quadrette,'a cartella,
na guagliona bellellla vicino,
piccerella e accussi' cannetella.
'Nfaccia a nuje truneggiava 'a lavagna
addo' spisso screvevemo 'e nomme
cu' duie core e na freccia sulagna
ca 'e 'nfezzava astrignennele,e comme!
Ma na mano cchiu' grossa veneva
a leva' chelli scritte d'ammore:
che silenzio antrasatta scenneva
miez'a nuje,dint'a chilli duie core!
E' ricordo?No,e' storia d'ajere
ca po' essere pure 'e dimane
fino a quanno ce sta' 'int''e penziere
'o calore e 'a carezza d''e mmane.
'A nennella bellella ogge e' nonna
e io so' pate cu' n'ata cumpagna,
quanta vote pero' 'o core sonna
chillu banco,'o quaderno,'a lavagna...




--------------------------------------------------------------------------------

PRUGRESSO....

N'onna malata
va murenno
'mbraccia a' rena 'nzevata
e' margellina.
Nu sole 'nzisto
specchiannese a mare,
p''o scuorno
s'annasconne 'int''o griggio d''e nuvole.

All'ombra d''o Vesuvio
na vecchia varca,stanca,
se porta nu ricordo
'e piscatore.

Ricorde 'e "Paranze" felice,
'e rezze 'ndurate,
ca purtavano nterra
'a ricchezza d''o mare.

N'aliscafo passanno
fa smòvere 'a varca
e nu "jet" vulanno
ferisce 'o silenzio.

Dduie uocchie
se nfonneno 'e chianto
guardanno
ll'orizzonte 'e fummo
e nu mare 'e catramme...


Armando Torre: Uno "Scugnizzo" a New York.


Uno "Scugnizzo" a New York.
Nato a Napoli nei pressi di Porta Capuana nel 1930, Armando e' negli U.S.A. dal 1958. Pittore, scultore e poeta vive con la sua famiglia a New York prendendosi cura del suo laboratorio in cui restaura oggetti d'arte. Il suo talento artistico venne fuori già nella prima gioventù. Infatti non manco' mai alle personali di maestri come De Chirico, Ciro Arnese, Giuseppe Garigliani, Nicola Ascione,Guglielmo Migliore che fino al 1958 esponevano a Napoli. La passione per la poesia nacque dopo un lungo colloquio con Eduardo De Filippo incontrato ad una personale di Titina De Filippo. Fino al '58 lavorò come capo reparto nelle principali fabbriche di ceramiche artistiche di Capodimonte. Dopo il servizio militare emigrò. Nelle sue poesie, soprattutto quelle degli ultimi tre anni, cerca, attraverso lontani ricordi, di descrivere la "sua" Napoli lasciata molti anni fa.

Ha scelto per voi navigatori queste tre composizioni:







NEAPOLIS
NEAPOLIS TU SI NA’ COSTA ‘NCANTATA
TU SI O’ PAESE ADDO’ AMMORE,
FA’ E’ SIRENE ‘ NPAZZI’,
CCU’ L’AZZURRE E’ STU’ MMARE;

VERDOLINE E’ TURCHINO
TTE’ STAJE SEMPE A’ CAGNA’,
E’ IO CHE SO’ NU’ PITTORE
T’AGGIA’ FORZE PITTA’.

CHE’ CHIARORE STU CIELO,
‘NU BBRILLANTE TU PARE
SEMPE TUTTE AFFATATE,
‘NPARAVISE PUO’ GHJI’;

E’ NU’ MANTO CELESTE
ADD’’O SOLE CE PASSE
E’ STA’ SEMPE A’ BBRILLA’,
CHE CALORE , CHE LUCE,

CH’ANNO FATTE? CUNCIERTO,
PARE TUTTE STA’ CCA’,
IO ME’ SENTE NA’ SMANIA
CHE’ CALORE, CHE’ FREVA;

‘NPARAVISO STO A’ GHJ’
TRA O’ PRUFUME E’ STI SCIURE
E’ L’ADDORE D’’O MARE’
NUN M’HE POZZE FERMA’.

TRA PIANURE E’ CULLINE,
MIEZ’E ROCCE, E’ LIMONE,
SENTE ADDORE E’ L’ARANCE
E’ NA’ COSTA A’ VEDE’;

GUARDE O’ MARE E’ STU’ CIELO,
CUMM’’E FACCE A’ TURNA’?
SONGHE MILLE E’; MARINE,
TUTTE BELLE E’ SQUARCIONE

FANNE STONNE TREMMA’,
CORRE O’ MARE E’ SE SBATTE
‘NFACCE E’ ROCCE ISSO SFOCA,
QUANTA MUSICA FA’

CHIARE E’ ST’ACQUA MARINA,
TRA CUNCHIGLIE , E’ CURALLE
CHE MIRAGGIO SI’ MMO’
CHE SILENZIO,CHE PACE

E’ N’INCANTO STU’ MARE
PARE TUTTE AFFATATE,
CUMME VA’? CCU’ CCHI’ STA’?

E’ ARRIVATE A’ RIGGINA,
A’ SIRENA E’ STU’ MMARE
ESSA D’’A CRECIA E’ VENUTE,
E A’ STU’ SITE VO’ STA’;

ESSA E’ BBELLA , E’ NA’ FATA
CHIOMA NIRE CHE VOLE,
SEMPE ASSIEMO CCU’ L’ONNE
C’ARMONIA TTE’ STA’ FA’;

PARTHENOPE FA’ E’ NOMME,
SE’ CECATE D’AMMORE,
E’ VA’ CURRENNE P’’O MARE
E A’ ODJSSEUS VO’ TRUA’,

E’ NA’ FIAMMA , CHE TEN’E
CCA’ DISTRUCCE D’AMMORE
SENZA PACE A TRUVA’,
S’ANNASCONNE TRA GROTTA

MEZZA BBLU’ ESSA PARE
CU N’’A LUCE CHE TRASE
FA’ E ‘ SIRENE ABBAGLIA’
TRA’ L’AZZURRE E’ STA ROCCE

CHE ‘ FARAGLIUNE VUO’ STA’
NUN T’ARRIENNE, GIA’ O’ SAJE
E’ TE ‘NTALLIENTE A’ NUTA’
E’ NU’ SOLE CHE COCE

T’HE VULUTE ABBRUCIA’,
NUN DA’ RETTE E’ REGALE,
ORE PERLE, E’ CURALLE
TU SIRENA REGGINA ,

UOCCHIE BELLE TURCHINE,
LASCE STA’ STI’ TESORE
PIENZE SULE A’ CAMPA’.
ST’ORNAMENTO DIVINO,

CHESTA FORMA CHE BRUCE
SE’ PO’ SULTANTE GUARDA’.
MIEZ’O MARE ISSO SPECCHIA
PARE VOLLENE ST’ONNE

AGGITATE M’HO STANNE
QUANTA SCUMME CHE FANNE
QUANTA STANNE A’ NUTA’;
SO’ ARRAGGIATE E O’ SANNO

SI CCHIU’ CORRENE E’ VANNO
MO’ STRACQUATE TRA RENA
VONNE SEMPE TURNA’,
ISSE E’ BELLO E’ N’APOLLO,

E’ O’ MODELLO DA CRECIA
CHE SE PUTUTE CRJA’
FUJE PRUTETTO DA GIOVE,
‘NPARENTATE CU’ MARTE

NUN TTE’ PUO’ AVVICENA’.
TU SIRENA ‘NCANTA,
STAJE STURDUTE O’ ADDURMUTE,
NUN TTE’ POZZE CAPI’,

L’ASCE STA’ STI BBRILLANTE,
NUN DA’ RETTA A’ CURONE,
CCA’ STU DIO NUN VO’ A’ TE’.
PARE TUTTE POESIA,

SCETE E’ CORE CCO’ SANNO,
E’ PERCIO’ NU’ VIRGILIO,
SE’ VULETTE RESTA’
SI E’ N’AMMORE VERACE,

NUN DARETTE E’ MMASCIATE
E’ NEMMENO A’ CUMMARE
SI S’AVESSA SCETA’.
STA’ NETTUNE PO’ MMARE,

MIEZ’A L’ONNE AGGITATE,
NUN REPOSE , CHI SAPE
VO’ COCCOSE SAPE’,

JA’ FURCHETTA CCA’ TENE
SAGLIE SCENNE P’’O MARE
NUN SE PO’ ARRUPUSA’.



--------------------------------------------------------------------------------

'O CAFE'

VULESSE NU CAFÉ, BBELLE E’ SQUISITE
ADDO’ L’AROME S’E STRUJESSE CHIANU CHIANU
E NU’ SAPORE MA’ CCA’ V’AGGIA’ DI,
MA O’ QUAJE E’ PO’ TRUVA’
ST’ESPRESSO FINO,

PIRCCIO’ ME SO’ STANCATE E’ CAMMENA’
IO CORRE VACHE E’ VENGHE PO’ ME FERME
PE’ ME TRUVA’ DA CAPE ADDO’ SO’ STATE,
FORSE C’E STA’ NA COSA CCHE’ M’ATTIRE,

FORSE E’ STU BAR E MIEZ’E A’ SANITA’
ADDO’ C’E STA NA’ FATE A’ FA’ O’CAFÉ
TEN’E DUJE UOCCHIE D’’O FURMATE A’ STELLE

E’ LABBRE E’ NA’ CERASA,
VE DICHE A’ VERITA’.
MA ESSA S’E NE ACCORTA CCA’ IO A’ GUARDE
E’ M’E FA’ SEMPE FINTE E’ NUN VEDE’,

MA IO SO’ TUOSTE CUMM’E O’ PALE FISSO,
PERCCIO’ IO MO STO CCA’ CCU’ STU CAFÉ’.
MA MENTRE CHE MO BEVE E’ GIRA TAZZE,
ME SENTE TUTTE O’ ZUCCHERE CCU’ ME’

MA ESSA DA L’UNTANE PARE NUN GUARDE,
FACENN’E SEMPE FINTE E’ FA’ O’ CAFÉ’.
PO’ SIENTE E’ FA’ NU FISCCHIO CCO’ VAPORE
MANNANNE TUTT’’ADDORE APARTE MIA.

ESSA PARE SCUNDROSE GIRANNE A' MANUELLA
E’ GHIETTA TUTTO COSE PE FA’ DISPIETTE A ME’,
ST’INCROCE D’UOCCHIE A ' ME
ME FA’ PIACERE,

QUANTE SO’ BBELLE , ST’UOCCHIE
NIRE, NIRE, ME PARE E’ VEDE E’ PERLE
DINT’’O CAFÉ’
CHE SO’ CADUTE DINT’E A’ PURCELLANE?

TU E’ SCIACQUE PO’ L’ANNIETTE
CHESTI TAZZE.
PECCHE’ PO’ TANTA TUOSSECHE CHERRE’?
CHE’ T’AGGIU’ FATTE ? FORSE NA’ GUARDATA ?

ENBE’ CHE’ POZZE FA’ SI TU’ ME PIACE,
PE ME TU SI L’AROME,E’ TUTTE STU’ CAFÉ’,
TE PIENZE C’E V’O ZUCCHERE,
MA IO CCA’ TENGHE
O’ MIELE MISCATE ‘ MMOCC’A ME’.




--------------------------------------------------------------------------------

O' QUATT''E MAGGIO

SE’ FERMATE N’’A CARRETTA,
‘NBONTE O’ VICO SCASSACCOCCHIE,
CHISTO CIUCCIO STA’ STRACQUATE
N’’A SAGLIUTE AVUTA FFA’;

TENE ‘ NCOPP’’ A CARRETTELLA
SCARTAPELLE D’ANTICHITA’,
‘NZIPPE ‘NFUNNE VA’ CARENNE
NUN SE’ SAPE CHE C’’E STA’;

PO’ SE VERE ‘NU STIPONE,
ST’ABBUCATE A’ CEFUNIERA,
DA BONANEME E’ MAMMA’;
SOTT’’A TUTTE E’ MATARAZZE,

CCA’ SO’ GIALLE D’’O PISCIA’
CU NU’ LIETTE , TUTTE ATTONE
E TANTI PUME A’ CCA’ E A’ LLA’,
FATTE NIRE DA L’ETA’

SOTTE E’ ‘NCOPP’’ A TAULELLA
CCU’ SEJE SEGGE D’ACCUNCIA’
‘NU CUMMO’ SENZA TIRETTE
SULE O’ SPECCHIO SE PO’ AUSA’.

TU PO’ VIRE O’ CARRETTIERE
CCA’ CH’UNO UOCCHIE VO’ GUARDA’
VATTE SEMPE A’ CHILLO CIUCCIO
SCURRIATE A FA’ PIETA’

MA’ STU’ CIUCCE STA’ MURENNE
E’ TUTT’ OSSE, E’ ‘NUNCIA’ FA’
E’ CARUTE GIA’ TRE VOTE,
E’ PIRCIO’ MO’ FERME STA’.

CHIST’ARRIVE E’ COMMOVENTE
NA’ FAMIGLIA SE’ TRASCINE
TUTT’APPERE ARETE LLA’
OGNE TANTE PO’ SE’ FERMENE
PE VEDE SI SO’ ARRIVATE.

DON PEPPINE O’ CARRETTIERE
STA’ NQUARTATE PE’ STU SFRATTE
CHE’ SAGLIUTE FATICOSA,
JA’ CARETTA NUN VO’ JI’

TUTTE PARE MUSCE, MUSCE
NUN S’ARRIVE E’ LJA’ VUTTA’
STA’ FAMIGLE TUTTE STRACCE
SEMPE ARETE A’ CAMMENA’

PARE PORTE APPRISSE A’ DOTE
DA MISERIE E A’ NUBILTA’.
E DON PEPPINO CCU’ CHILL’UOCCHIO
OGNE TANTE E’ STA’ SMIRCIA’,

MO A’ GGENTE SE’ F’ATTUORNE
PE VEDE’ SI PO’ AIUTA’
CHI NA SEGGIA , O ‘NU CASCIONE
E’ CCHIU’ E UNO VO’ VUTTA’

STA’ MISERIA MO’ FERMATE
TEN’E MMANE NA’ MAPPATA,
SO’ RICORDE D’’O PASSATE
CCA’ NUN VONNE MAJE L’ASSA’;
N’ATA VOTE MO’ CAMMINENE

SOTTE A’ FRUSTE STA’ SAGLI’,
E’ TU VIRE VENE APPRIESSE
STA’ FAMIGLIA, E A’ GGENTE E’ LLA’.
SETTE FIGLIE PICCERILLE

CHILLE GROSSE O’ D’ALLATTA’
CHESTA MAMMA SE’ TRASCINE
CUMM’E STESSE A’ PASCULA’;
E’ VICINE STO’ MARITE

CCA PO’ CERCHE E’ L’AJUTA’,
E’ TUTTE OSSE SICCHE SICCHE,
CUMME’ A’ FATTE CHESTU CCA’.
PO’ STA’ NONNA VICCHIARELLA

CCA’ NU CANE VO’ TIRA’
SO’ FELICE E’ CHESTA ARRIVE
PO’ TU’ E’ SIENTE E’ RAGGIUNA’;
MO’ STU’ CARRO SE’ FERMATE

SOTTE A’ PORTE E’ NU SCASSONE,
O’ MARITO CU RISPETTO
SENZA FIATO VO’ SAPE’
E’ DUMANNE A’ CHI E’ PATRONE

QUALE’ O’ POSTE D’AFFITTA’,
VUJE SAGLITE FINE NCOPP’E
LA’ TRUVATE NU ZUPPIGNE,
NUN A’ TENE A’ MASCATURE
TANTA A’ PORTE NUN C’’E STA’.


Raffaele Isola: Poeta per amore.

Poeta per amore.
Napoletano da sempre e per sempre, Raffaele Isola (classe 1926) ha cominciato a scrivere poesie nei lontani anni '50. Il suo lavoro nel porto di Napoli ed i legami familiari non gli hanno impedito (oggi e' in pensione) di coltivare il suo sentimento poetico e la sua vena artistica. Oltre cento poesie e composizioni delle quali alcune pubblicate anche su riviste specializzate del settore. Tra queste: "Sei e ventinove" e "Ribalta" entrambe dirette dal poeta-giornalista G.Carullo amico di lunga data. Ha scritto varie canzoni con il poeta G.Sacco ed alcune musicate dai maestri G.Savarese e U.Stanislao. Nel '60 e' stata anche incisa una sua canzone dal titolo "Busciarda", un'altra fu sceneggiata con la partecipazione di Nunzia Fumo. Se volete conoscerlo potete trovarlo insieme ad altri amici poeti in un bar in Piazza Bellini; l'attuale centro culturale partenopeo in cui si riuniscono le attuali personalita' della cultura napoletana.
Ha scelto per voi navigatori queste tre composizioni:







'A PASTICCERA
Io songo n'ommo ca piace 'o ddoce,
e nun cunosco ancora 'o diabete,
'a robba doce a mme, me schiara 'a voce,
e so' cuntento si m'allicco 'e ddete.
Pe cchesto po' ce penza 'onna Cunziglia,
e' tanta brava a 'mpastà torte e creme
me sape accuntentà, meglio d' 'a figlia,
pe' quanne 'e mmane 'e mmove tutte 'nzieme.
E nun ve dico quanne fa 'e cannuole,
le glienghe 'a cca' e 'a lla' e po' l'allisce,
me guarda dint' 'a ll'uocchie e se cunzola,
e 'o marito suio malepatisce.
'A zeppola, specialità 'e famiglia,
comm ' 'a rifiuto chesta bella cosa...
e primnia 'e me ne j ' 'onna Cunziglia,
la sera a tarde, me' da' 'a Santa Rosa!




--------------------------------------------------------------------------------

PIEREROTTA

Comm'ire bella vecchia Piererotta,
e tu che dici? viecchio puti-pù
cu ssuone, balle e cante tutt "a notte
se divertiva tutt "a giuventù.

Comm'ire bella chiena 'e lampadine,
era tutta rummore sta città
mo stai dunnenno ancora a suonne chine
ma quanne pò dich'i' te vuò scetà.

Se so' addurmute pure 'e sceneggiate,
che belli tiempe, voglio ricurdà,
me sento chistu core amariggiato
stu popolo, comme se pò scurdà!

'0 2000, 'o Tarsia 'o Margherita
facevano ogne sera cunzulà
mo tutte sti triate so sparute
e 'a ggente nun se vò cchiù rassignà.

Scetateve 'a stu suonno, nun durmite,
lassate 'a droga, 'e ppene 'e sta città,
vulimme Piererotta chien "e vita
sul'essa 'ncefa vivere e campà.

Pulicenella, 'a maschera cchiù bella
sa quanta zompe se fidasse 'e fa,
si Piererotta fosse sempe chella
facesse a tutte quante recrià.

Datece 'e carre, datece 'e ccanzone
pecché 'o napulitano addà cantà!




--------------------------------------------------------------------------------

'A COPPIA FELICE

S'erano cunusciute 'o mese 'e maggio,
essa scurnosa nun lle deve rette,
isso facette un'anema e curaggio
cu 'a voce ca tremmave Ile dicette!
Facimme quatte passe che dicite?
E 'nzieme s'avviaiene p ' 'a via
nu vaso, n'atu vaso nunfuite...
E chella sera fuie na magìa.
E chi ve po' cunta chelli sserate,
cchiù s'astrigneva senza ave paura.
E quanta vase sott' 'e cchiuppiate,
po s'abbracciaine stritte dint' 'o scuro.
Ma doppo poco ca se so' spusate,
la scurnosa c ' 'a faccia 'e santarella
carizze e vase nun lle so' bastate
e trova n'occasione assaie cchiù bella.
S'è vista n'ata vota cu n'amico
ca frequentava primma ca spusava
e steva 'e casa a fianco arreto 'o vico
saglieva 'ncoppe quanno essa 'o chiammava.
Mo so'felice forse cchiù 'e primma
pecché hanno truvata 'a strada iusta.
Ognuno 'e Iloro ha truvato 'a fiamma,
chella ca nun se stuta si nc' è gusto.

Lucio De Angelis: Informatica e Poesia.


Informatica e Poesia.
Ecco il contrastante connubio in cui si e' sviluppata l'attivita' di Lucio De Angelis in particolare negli ultimi anni. Egli nasce a Napoli nel Maggio del 1946 e lavora dal 1970 in un'azienda informatica. Sposato e padre di tre "splendide" figlie (" E figlie so' piezz'e core !), vive dal 1978 a Roma, dove svolge l'attivita' di istruttore (e non di distruttore ) nella suaccennata azienda informatica.

Ha scelto per voi navigatori queste tre composizioni:





--------------------------------------------------------------------------------
TRE SILLABE
Quanno te sento cu' 'sta voce argiento,
tutte l' anne ca tengo e, ne so' tante,
no !, nun 'nce stanno cchiu' s' e port' o viento
e so' guaglione cu' 'na foja d' amante !
Dint' a 'sta voce tu 'nce tien' a vita !
Si' l' aria e l' acqua ca me fa campa' !
E' proprio overo: si' 'na calamita
e io penzo sulamente a m' azzecca' !
Pecche' tiene tre sillabe int' o core,
ca poca ggente tene e sape ausa' !
Sei lettere pe' 'na parola: ammore
... e cu' 'sta molla 'o munno faie avuta' !




--------------------------------------------------------------------------------

ADDO' CURRITE?

Addo' currite ? Chi ve porta pressa ?
Quant' anne so' ca nun guardat' attuorno ?
Nasceno ancor' e sciuri int' a 'sta ressa,
pure si a vote durano 'nu juorno !
Nun 'nce penzate cchiu' ma 'a mamma sgrava,
'e vacche fanno sempe ancor' o latte,
mentre qualcun' e vuie, schiattanno, pava !
Ah, Pateterno !, scassa 'sti buatte
e fall' asci' chist' ommo naturale
ca, si 'o prugresso nun curresse cchiu',
putesse campa' sulo 'e ll' essenziale,
penzanno quiet' a chillu Ddio lassu' !!




--------------------------------------------------------------------------------

CHIP E DATABASE

Vanno parlann' 'e chip e database,
'e bit, 'e byte, 'e ram e floppy disk !
Te fanno veni' sulo 'e palle appese:
'e chesta vita nun sanno manc' e rischi !
Stanno assettati annanze a 'sti buatte,
ausanno sulo 'sti parole strane ...
e so' criature ca puzzano 'e latte,
pecche' vanno dicenno ca dimane
se farra' tutto annanze a 'sta tv,
senza capi' ca vita vera e' ammore
pe' 'n' animale ca nun sta in tv,
pe' 'nu nennillo ca te squaglia 'o core,
pe' 'nu malato ca cchiu' nun vo' suffri'
o pe' 'nu puveriello senza sorde,
ca va cercanno sulo 'e fa' capi'
ca e' felice si te n' arricuorde !!


Roberto Di Roberto: 'E vvoce d''o core.


'E vvoce d' 'o core.
E' nato a Napoli l' 11/12/1946. Ha pubblicato i volumi di poesie in dialetto napoletano: 'E vvoce d' 'o core, prefazione di Giuseppe Porcaro. Delfino, Napoli 1982. - Aria 'e primmavera, prefazione di Alda Sibilio Murolo. Velardi, Napoli 1985. - Vase e carocchie, consenso di Giovanni Boccacciari. Lo Stiletto, Napoli 1993. - Senza scuorno, prefazione di Giovanni Boccacciari. Napoli 1997. Collabora al "Rievocatore" dal 1996; a "Ribalta" e "6 e 22"; a "Miscellanea", Salerno. E' stato inserito nella "Letteratura dialettale napoletana" di F. D'Ascoli, in "Torna Natale" di Renato Ribaud, in "E'sempre poesia" di V. Uliva, nel "Dizionario storico dei poeti Italiani" di S. Natale, ne "La più bella antologia dei nostro tempo" di Tina Piccolo, in "Poetica napoletana di fine novecento" Ed. Ferraro. E' inserito anche nelle varie edizioni del CALENDARIO di A. Rotondo. Alcuni suoi versi sono stati pubblicati su cartoline dell'antica ditta V. Carcavallo. Fa parte dei salotto Tolino e del cenacolo Spadaro. E' stato varie volte ospite di Televomero.
Ha scelto per voi navigatori queste tre composizioni:





L'ANEMA MIA
Ce si' turnata, ncopp' 'a stessa strata
sulagna e chiena d'albere spugliate,
addò sti core nuoste, cammenanno
facevano unu core.
Mo ce vai sola, cu na sciarpa nera,
pe segno 'e lutto 'e chi tenive caro,
e vai distratta, fissa cu 'o penziero
che vola assai luntano.
Chi t'era caro nun t' è cchiù vicino.
Te firme e, ncopp' a nu murillo, appuoie
'o libro e llegge tutt' 'e ppoesie
ca io screvevo a te.
Cu ll'uocchie 'e chianto guarde verso 'o cielo,
comme si me vedisse. E, 'a miez' 'e nnuvole,
songo i' che guardo st'uocchie appassiunate
ca chiagnono pe me.
Chesti llacreme asciute 'a dint' 'o core
me diceno ca si' rimasta sola.
E invece no, nun t'hè 'a sentì mai sola:
l'anema mia sta sempe affianco a te




--------------------------------------------------------------------------------

VOMMERO SULITARIO

P' 'e strate sulitarie
d' 'o Vommero ncantato,
ievemo cammenanno
pe ddo' nemmanco n'anema passava.

Cu'e mmane dint' 'e mmane
e 'o ffuoco c'abbruciava dint' 'e vvène,
vulava 'o tiempo e se faceva tarde,
affatturate 'a 'sta passione ardente.

T'accumpagnavo a casa,
cu 'e viente d' 'e ttempeste,
sott' 'o palazzo tulo sgarrupatiello
e - ammore mio - llà sotto era cchiù bello
astrègnerte e vasarte senza fine.

Cu na vucella doce po' dicive:
"E' rnezanotte, mamma sta mpenziero.
Famme saglì, nun me fà fà cchiù tarde".
E i' te lassavo, ammore mio carnale,
purtànneme int' 'e panne e dint' 'o core
lo prufumo ca tu tenive ncuollo.

E chello me faceva cumpagnia
strata facenno, mentre riturnavo,
cuntento e malinconico,
á casa addò nun ce truvavo a te.




--------------------------------------------------------------------------------

NA CHIESA

Dint'a 'sta chiesa fredda e puverella,
c' 'o pavimento ca s'è cunzumato
p' 'o trase e ghiesce 'e gente e gentarella,
quanta ricorde me so' ricordato!

'A casa mia, pur'essa puverella,
aggio visto, 'e dummeneca a matina,
e d'annese e cafè na tazzulella
m'ha profumato ll'aria doce e fina.

'A nonna asceva 'a dint' 'a stanza soia
chiena 'e campane cu nu santo sotto
e me chiammava, pronta pe ghi a messa
cu 'o tulle niro, o sciallo e 'o manicotto.

"Scetate, Gennari, facimmo ampressa!
Susete, nun 'a siente 'a campanella?
Muòvete, ca sinò perdimmo 'a messa!".
E pareva abbastanza scucciantella.

Quanto m'è stata cara 'a nonna mia
ca me vuleva bene 'e vero core!
'A penzo e sento na malincunia
ca nun 'a tengo cchiù. Me fa dulore!




Angelo Miele: Una passione, la poesia


Una passione: la poesia.
"Mi sono avvicinato alla poesia, al teatro e alla canzone Napoletana perchè mi hanno coinvolto, l'ho coltivata per amore, l'ho amata e l'amo per passione....". Queste sono le prime parole che Angelo mi ha scritto la prima volta. Come non poubblicare poesie di una persona che ama Napoli così. Angelo Miele nasce nel '59 a Roccanainola, in provincia di Napoli. Lasciati gli studi universitari s'immerge nel mondo del lavoro facendo svariate attivita' finche', nell'87 inizia a lavorare per una societa' che si occupa di macchine per ufficio. E' quì che nasce la sua passione per il mondo informatico che lo portera', nel '95, a dedicarsi completamente al mondo delle nuove tecnologie nel settore hardware diventando installatore di personal computer. Il mondo della canzone, della poesia e del teatro sono, si, sempre state una sua passione ma quando diciottenne si vide conduttore di un programma radiofonico, quasi non ci credeva. Inizia il periodo che ancora oggi lo vede entusiasta: la canzone napoletana. Di Giacomo, Russo, Viviani, Galdieri, Ruocco sono i suoi autori preferiti ed, ispirato dai questi grandi, inizia a scrivere poesie. La prima fu per una ragazza di cui era innamorato il resto venne quasi spontaneamente. Ha partecipato a qualche concorso e le sue poesie sono lette in alcune radio private.
Angelo ha scelto per voi navigatori queste tre composizioni:





Lacreme
So' cientomila!.... E contale....
'E llacreme chiagnute
ogni juorno passato
senza puterte avé....

Piezze 'e core ca scenneno
'ncopp'a sta faccia pallida,
ca pe' ll'aria se sperdeno
senza ca 'e puo' vedè...

cucente cchiù d''o ffuoco,
doce comm'è ll'ammore...
Nun te perciano 'o core?...
Ma 'o tiene 'npietto a te?




--------------------------------------------------------------------------------

'O calannario

Stò 'nchiuvanno 'na puntina
'nfaccia 'o muro pe ce appénne
'o lunario 'e chist' at' anno
ch'è trasuto juorne fà....

'Nchiovo... e intanto l'uocchie vanno
a stì ppagine stampate,
a stì foglie culurate
ca ce contano 'e ghiurnate.

'Nchiovo... e intanto, c''o penziero,
me trasporto 'o mes' abbrile:
chillo juorno chino 'e sole
quanno me 'ncuntraje cu tté...

E 'o martiello, mentre 'nchiovo,
se ne và, pe' cunto suoio,
justo 'ncopp''e ddete meje...
C'haggia fà?... Mannaggia a tté!...




--------------------------------------------------------------------------------

...e sì arrivata tu...

Sapevo ca l'ammore fa ascì pazze,
sapevo ca puteva esse accussì...
Però nun m'aspettavo ca stà rézza
ca m'attanaglia 'o core
me facesse murì....

Sapevo ch'è nu sentimento forte,
sapevo ca nun fa cchiù arraggiunà...
Ma nun credevo ca restavo spierto
a chiagnere e a sperà
ca me dicisse "si" !

Sapevo ca l'ammore, dint''o core
me se sarria 'mpizzato, qualche ghiuorno,
pe nun me lassà cchiù.
Sapevo, l'aspettavo,....
... e sì arrivata tu !



Silvana de Luca: Napoletana di Napoli.




Napoletana di Napoli.
Silvana de Luca nasce a Napoli una cinquantina di anni fa. Due figlie, laurea in lingue, funzionario di ente pubblico, decide di pubblicare il suo primo (e per ora unico) volume di poesie nel 1999 e vince in premio Pannunzio, a Torino. "...non un vuoto pensiero" e' una raccolta di poesie tristi ed allegre, romantiche ed ironiche, scritte con parole semplici. Solo recentemente ha provato ad accostarsi alla poesia in vernacolo... ed alcune sono piaciute molto! La produzione continua, anche se a ritmo non serratissimo, e per questo che ha scelto tra le tante queste allegre. Che dire ancora? La sua casa è sempre aperta, e piena di gente viva, varia, piena di umanità. E questo posso testimoniarlo personalmente, essendo piu' volte stato da Silvana che, con la sua simpatia e la sua voglia di vita, rende allegro anche chi non lo vuole essere;)

Ha scelto per voi navigatori queste tre composizioni:





'O vico
So' 'nnata a Napule
ma nunn' 'o sento
ll'addore 'e 'sta città,
'o rummore 'e dint'e viche.
All'urdemo piano,
aro' stevo 'e casa,
saglieva sulo
l'aria 'e mare.
So' 'nnata a Napule
ma 'ncopp' 'e Quartieri
nun so' 'mmai stata.
Oggi so' vecchia
e aggio deciso
ch'è proprio 'a mia
chesta città.
Mo' stong' 'e casa
rint' a nu' vico.
M'asceta ampressa
chesta caciara
ma nun me pesa
tant'ammuina:
me sento viva
e 'nnamurata;
'a che sto 'cca
i' so' rinata
so' cittadina
'e 'sta città,
napulitana
è 'a verità.




--------------------------------------------------------------------------------

'O puparuolo 'mbuttunato

M'hanno dato
'nu compito ingrato:
in rima o col verso baciato
'e ve fa' 'o puparuolo 'mbuttunato.
E comme faccio a parla' du' culore
si nun riesco a cuntarve 'o sapore
si nu faccio senti' chist'addore?
M'hanno ditto:
"Tu si' 'na poetessa,
che 'nce vo' a parla' do' suffritto
o de comme se magna 'a purpessa?"
E comme faccio a canta' 'sti 'ddelizie
si nun pozzo levarme lo sfizio
de magna' sott' 'o naso e' vossia
tutto quanto 'stu benededdio?




--------------------------------------------------------------------------------

'O capitone

Mo' che arriva 'o Natale
nun me pozzo da' pace
pecché 'o saccio, è fatale,
tutti, amice e pariente
hann'a mettere a tavola
'e 'cchiù belle mesale
co' 'e posate d'argiente.
Si nun veco le vongole,
'a raosta o le sciosciole,
so' sicura ca truovo
vrucculille affocate,
vermicielle aglie e uoglie,
ca 'nce sta 'a caponata
e 'a muntagna d'e struffule.
Ma per ogne cucina
già de primma matina
accummencia ammuina:
c'è chi corre, chi strilla,
chi secuta 'o serpente.
Sì, pecchè nun c'è verso
ca s' 'o scuordano 'n anno
ca 'na vota, pe' scagno,
resta dint'a la vasca
e 'a Vigilia magnammo
tutto quello che resta.
Nun me faccio capace
comme campa 'st'usanza,
comme trase int'a panza
pure chillu bestione:
si, parlo d'o capitone.
Si nun l'ate capito,
mo' v'o spiego pulito:
me fa' proprio 'mpressione;
nun me piace 'o capitone.